無表情照片百科全書，由韓國IDOL名人教你如何拍出Model Feel？

話說小編都係一個幾鍾意影相既女仔，有時loop下Instagram都覺得點解人地啲無表情相咁自然，我嗰啲唔係忍唔到笑，就係尷尷尬尬咁。其實點樣先可以影到一張滿意既無表情相呢？

一個無表情既樣，放空既眼神，絕對能令平時可愛活潑既你變得更有女人味更性感。

我地睇完有國民妹妹之稱既IU就知道無表情既威力。平時甜到漏既佢，一放空啲表情同眼神，唔識佢既仲以為佢係個好COOL既女仔。

了解完無表情之後，想影張滿意既相，就梗係要睇多啲人地既相，去了解一下點樣既background同意境，會令成張相加分！

一齊黎睇下以下既示範啦！

利用大自然既Natural beauty，花花草草，自然柔和既日光，成張相既感覺就更加唯美，亦都唔會好單調。

簡簡單單既白牆可以增添清純唯美感，而花花綠綠既塗鴉牆就可以增加時尚感同藝術感。配上一個無表情既樣，令整張相更加有feel。

影相無表情，更能容易營造出照片既唯美感。可以選擇遠Shot用多啲個景，亦都可以近Shot去focus個人表情同情感。只要識得影，捉緊無表情既感覺，每個人都可以影出model feel！大家記得Practice多啲，影多幾次，感覺就會自然好多嫁喇！

仲梨花頭？OUT啦！髮尾外捲才是韓國髮式大勢新潮流！

早幾年係日本韓國紅到黎香港既梨花頭，相信依家都仲係好受香港女仔既歡迎。但梨花頭長度唔長唔短，剪完一次，好快就會長到落去個尷尬位到，最後忍唔住手又去剪返短佢，結果無一次係因為留返長。

其實大家都唔洗擔心既，除左內捲HIT之外，其實外捲都唔差嫁！仲可以幫你輕輕鬆鬆度過頭髮尷尬期！我地一齊黎睇下韓國紅人既示範啦！

IU

示範左兩個唔同長度，包括短髮and 及肩髮既外捲髮式。

APINK- 夏榮

演員 – 高俊熙

外捲頭髮比人感覺好有個性好隨性，同時又有種輕熟女成熟既氣質。

GIRLS DAY – 惠利

外捲其實好易處理，你用返捲髮夾or直髮夾將佢夾返向外就ok。有時候訓醒教，頭髮都可能會向外捲左，利用呢啲交錯既層次，吹一吹佢，整個髮型都可能會更時尚添嫁！

睇到以上既示範，唔好再以為外捲係唔好睇，其實外捲短髮先係時尚同潮流既新熱潮！

打造時尚慵懶風，韓國潮人必備3款破洞牛仔褲。爛褲先係Fashion！

大家應該都會睇過啲關於爛牛仔褲既有趣新聞。例如 屋企人誤會你條牛仔褲係著爛左，所以幫你掉左，又抑或幫你補返好啲窿。返到屋企見到咁既情況，都唔知好嬲定好笑？

其實破洞褲Fashion係好多年前已經好Hit，破損既牛仔褲仲係韓國潮人必備既ITEM添！

TOP ONE：膝頭哥破洞

唔係爛得好徹底，基本上都淨係爛係膝頭哥位。如果開窿唔大既，同普通牛仔褲其實係差唔多，但就多左一份輕鬆潮感。

呢一款係比較入門既款式，想試下爛褲Fashion既，可以考慮先爛膝頭哥。而且呢啲褲好百搭，隨便襯個Tee就可以出門口。

TOP TWO：大腿膝蓋破洞

唔淨只係爛膝頭哥，係大比，小腿都會有一啲大細不同既破損 or 破洞，感覺就更加型格，更潮。而且直筒版型既牛仔褲就更能夠修飾線條更顯瘦，所以唔少女仔都會入手返幾條。

所以唔少韓國IDOL都必備一條膝頭哥破洞褲，男女IDOL都唔例外。

P.S. 因為破洞比較多，所以上身都建議著返啲簡單既Tee，感覺就唔會好凌亂好雜，更有隨性既爽朗感。

TOP THREE：全破/ 爛晒

爛到咁樣，個窿開到咁大，好肯定你行出街實會比人望！可能朋友仔仲會話你係咪窮到無錢買新牛仔褲添~

呢款牛仔褲爛既位係十分大忽，所以露出既部份都會好多。如果腳瘦腳靚既，著呢款褲會比普通牛仔短褲更性感更潮。

-

-

買牛仔褲，其實有好多選擇。除左要睇洗水靚唔靚，彈性好唔好之外，不妨都買返款岩你既破洞褲啦！

唔想頭髮變成雜草 又粗又黃又乾？Dr. BK Laser 專家4個生活小貼士

為左追潮流，唔少女仔換左一個又一個髮色，但頂住一頭傷晒頭髮，你想要既髮色效果都未必能做到想像中咁靚，顏色仲會keep得唔耐。如果你頭髮已經開始變粗變乾，千其唔好由佢就算，今次有Dr.BK Laser專家教我地生活小貼士，從日常生活入手救援我地既秀髮！

1：洗頭前先梳頭

濕左既頭髮係好易斷，特別係洗髮後打晒結既頭髮，所以Dr. BK Laser 醫學專家建議係洗頭之頭，應先梳好頭，將頭皮上既灰塵油脂都梳至均勻，再徹底洗清，咁樣先洗得乾淨又健康。

2：徹底打濕頭髮才開始洗頭

隨便整濕少少頭髮就直接搽洗髮乳係Wrong的！因為咁樣係特別傷頭髮嫁！

Dr. BK Laser 醫學專家就建議各位 先用溫水沖洗頭髮及頭皮大約1分鐘以以上，沖走晒頭上既油脂同污糟野，之後再用洗頭水，咁就可以更加乾淨。

3：頭髮全乾透才好睡

Dr. BK Laser 醫學專家指 頭髮濕既時候，髮絲既毛鱗片係在於打開狀態，同枕頭產生摩擦，就好容易會損害到脆弱又敏感既髮絲，令頭髮變得更乾更傷。所以無論如何，記得吹乾晒佢先好訓！

4：頭髮也要防曬

除左我地個樣同BODY要做好防曬，頭髮都唔可以忽略！

Dr. BK Laser 醫學專家指 紫外線既直接照射會令髮絲既毛鱗片變薄，建議可搽上免沖洗既護髮或髮油保護秀髮，或使用針對頭髮既防曬產品。

-

-

係日曬猛烈既日子，大家盡可能都係擔下傘，帶返頂帽為我地既秀髮防防曬喇！依家夏季紫外線咁勁，唔好好做好保護同預防，頭髮好易會變成雜草，到時可能要做更多既Treatment甚至要剪左佢先解決到，咁就得不償失嫁喇！

資訊由Dr. BK Laser 專家提供。

男女愛情觀大不同！曖昧，真的讓女生受盡委屈呢！只有女生才懂的感受！

當年中小學生唱K必點既歌，楊丞琳《曖昧》。當中第一句歌詞，「曖昧讓人受盡委屈」，真係睇文字都好似有聲咁。咁深入民心，係因為佢HIT中每一個女仔都會懂既心情。

係曖昧既時候，若然撞到一個忽冷忽熱既對象，相信每個女仔都會好「心亂如麻」。但唔多唔少，「就算世界無童話」，都依然好想成為佢既「王紀」。

小編好似懶有詩意，食晒啲歌名咁，但其實男仔真係好令女仔猜唔透。究竟你係狗公？定係真心喜歡我？猜不透，猜不透。

1：曖昧期間的忽冷忽熱

男仔呢，係對你有意思/ 興趣/ 純好奇/ 純想撩，都應該會好主動咁搵你，不斷同你開新既話題啦，係咁「查你家宅」，想了解你多啲。但有時又勁衰已讀不回 or 等到第2日先再覆返你咁，搞到女仔都十五十六，唔知好無主動再帶起另一個話題好！

呢啲感覺，你明，我明。

2：明明好想約，但又怕醜唔敢開口

曖昧到踏出一步呢個關口都會有啲難誇過。最怕，就係你以為人地對你有意思，但其實佢可能淨係當你係friend。所以，明明好多時想約個lunch，想見下對方，但又好怕醜驚受傷地唔敢開口。

仲有一個情況，就係太擔心同怕事。係曖昧階段，其實相方都處於互相了解當中。女仔因為好奇想見面去了解對方多啲，想了解清楚先再考慮試唔試下一齊。之不過，又驚受約 or 約左佢出黎，就等於係「落搭」，約多幾次再唔一齊就實比人話係「娘娘」派「好人卡」同「收兵」。所以，最後咪又係....無左段姻緣囉！

3：知佢同其他女仔出街，特別不爽

人，唔多唔少都會有啲佔有慾既。有時loop到心儀對象成個instagram都係囡囡，又或者啲pose同gesture過份親暱，係女仔都呷醋啦。

但最worst既，係知佢同其他女仔出街，但明明嗰期佢好似想追你，同你曖昧緊嫁喎！點解仲要同其他女仔出街？唔通係漁翁撒網？？ 

4：佢一啲親蜜既Skinship，都令你心癢癢

例如，好似摸狗仔個頭咁摸你頭 or 行路嗰陣唔覺意掂到你隻手咁。如果對方係你曖昧中既對象既話，呢個動作絕對能融化你，即刻冧晒。

5：對方一直無表示

係曖昧左一段時間，若然對方一路都無乜表示，就會諗 究竟我地係朋友定係男女朋友？呢個時候都真係好心煩氣燥，特別女仔唔想咁主動，就會一路等男仔開口。結果等下等下，就曬左好多時間。

-

-

係同異性曖昧既時候，相信大家都會遇到唔同既處境。就算當中幾辛苦幾多無奈也好，做女仔既，除左要識得愛自己之餘，如果真係對對方有意思既，不妨試下踏出一步啦！

A字膊？膊太窄？太斜？ 4款韓妹必備Item，讓你變成完美的衣架子。

近期十分流行款式不一既露膊衫，但你估個個女仔既膊頭都係咁靚既咩？

日前參與《蒙面歌王》節目的Twice 成員 志效，都被嘉賓笑言佢膊頭斜。其實無人係完美既，就算係韓國妹紙，都未必個個都有個90度角靚膊嫁嘛！等小編為大家總合4款韓妹最喜愛既Item，一齊解決A字膊煩惱！

一：泡泡袖

記得以前有一個時段係好興公主袖 or 泡泡袖既衫，但原來佢地唔止係A字膊既救星，仲有好強勁既顯瘦效果！

泡泡袖係利用視覺既錯覺，將人地眼睛既焦點由膊頭移去手袖，可以避免人地留意到你膊頭太斜之餘，仲可以遮到你既bye bye肉添。

二：無肩線

如果件衫有好明顯既肩線，咁就好容易睇得出你個膊頭好斜，因為個肩線通常都會跌左落去。而對於A字膊既人，著無肩線ITEM係絕對好洗好用！

但提一提大家，無肩線既衫係唔岩膊頭橫既人，只會感覺更橫更闊添嫁！

三：一字領

「一字領」係同「一字膊」唔一樣的，各位姊妹要搞清楚！

一字領既ITEM係唔會將成個膊頭Show出黎。你見到領口，唔係圓唔係V，係好平既領口，咁就係一字領喇！一字領更著重既係性感既鎖骨，將人既視線帶到你既頸同鎖骨上。對於你又窄又斜既膊頭，視覺上都可以拉橫少少，感覺亦更顯瘦一啲。

一字領係韓國都大熱緊，大家唔好汁輸，記得入返件一字領Item襯下衫！

四：V領

V領同一字領既原理一樣，都係利用露出鎖骨部分令膊頭睇落去更有重量，視覺上就唔會好窄好斜嫁喇！

-

-

想成為衣架子？其實都唔係難事。只要你識得襯衫，揀岩衫著，一樣可以著得靚靚！