明明無帶帽既習慣，但總係會買定一兩頂帽擺係屋企備用。但通常都只係得個擺字，因為帶帽會比人感覺頹廢，比人以為你無洗頭？？
查實帶帽先係展現時尚同個人魅力既好方法。韓國既妹紙就為襯Cap帽，而諗出5種最Match既髮型。各位姊妹一齊黎參考下啦！
1：低髻
低既髮髻，比人感覺休閒、輕鬆、隨意、自然，有種溫婉既文青風，但其實同Cap帽都可以係perfect match。
唔好以為係個髻散左？其實頭髮鬆鬆地亂亂地，就會有種慵懶既時尚感。帶住Cap帽，加個鬆鬆地既低髮髻，少女感都立即出晒黎。
2：單邊的三股辮
有時帶Cap帽會扎個馬尾，然後將條馬尾穿過Cap帽後面個窿。但其實呢種配搭好老土又好「土」添！
不妨試下「賓」下邊，感覺特別時尚嫁！特別係要運動既時候，跑既時候三股辮又唔容易散開，比單純扎個馬尾更加舒服又時尚。
3：雙邊的三股辮
係街到真係唔容易見到個扎孖邊仲要係「賓」晒邊既女仔，大概係驚比人笑幼稚同低B掛。不過其實係韓國係十分普遍嫁！
只要帶左頂Cap帽，就會平衝左唔少稚氣既感覺，睇起黎仲超韓風，超清新添！
4：丸子頭
唔係「春麗」既雙邊丸子頭，而係三股辮丸子頭！
比起就咁簡簡單單既丸子頭，三股辮版本係更加有質感，更特別。
睇落去都好似特別複雜同花巧，但其實只要你「賓」好晒兩邊頭髮，然後就咁摺上去再綁返好佢，就大功告成！
P.S. 扎得好既話，仲十分實淨，岩晒去沙灘又濕水既時候！
5：波波髮辮
波波髮辮可說係源自韓國。係唔少韓國既音樂節目，都會睇到女IDOL扎個波波髮辮，既可愛又青春活潑。之不過，如果襯頂CAP帽會唔會突然格格不入呢？ NONONO！
波波髮辮比起三股辮更有可愛感。睇落去係勁Young勁顯年輕！
-
-
唔想咁OLD，成日都散晒頭髮咁襯Cap帽？以上5種韓妹髮型髮式，仲有款岩晒你！
唔好咁怕醜喇！想韓啲、潮啲、young啲，就要肯嘗試！分分鐘就能夠為自己建立一個新形象，轉型成功添！
沒有留言:
張貼留言