女仔 就應該係長頭髮？NONONO！雖然長髮睇落去特別有氣質同仙氣，亦都女性化既一個指標，但依家夏日炎炎，又要玩POKEMON GO 周圍捉小精靈，頂住一頭長髮真係又熱又痴立立。
大家有無諗過剪短頭髮呢？ 唔一定好短，中長頭髮都已經可以幫你通風消暑唔少。
仲十五十六緊？
都係等小編同大家分享下 5個女仔短髮女仔獨攬既優惠啦！
1：清爽又俐落
夏天熱辣辣，把長頭髮仲要嬲嬲休休都幾麻煩，但係又唔想扎起佢。不妨試下中長及肩既長度啦！清爽之餘又充滿住少女味，感覺仲好清新！
對於髮量少同頭髮比較幼既絲打黎講，最好將髮尾剪平，然後吹一吹啲層次，睇落去髮量就會多啲，感覺仲特別少女FEEL！
2：帶帽特別好睇
短髮係比長髮更Match帶帽。頭髮咁長，你仲要加頂帽上去，除左熱上加熱，仲會感覺好累聚。
而短髮就係一個好選擇！可以輕易使出你既「帽子戲法」，帶出tom boy風又得！少女味又得！
3：更顯瘦
個個女仔都唔想自己塊面又包又腫，諗住留個長頭髮咪可以好好咁遮住啲肥肉囉！但對對本來身材唔高挑既女仔黎講，呢個未必係一個好既選擇，因為你整體既比例正正會被一把長髮而拉低左。
而剪短髮就係拉長你比例線條既好方法！只要輕輕露出少少頸，就會顯得你塊臉更細，視覺上亦都好顯瘦。但都係切忌剪太短啦！岩岩好露少少頸就非常Perfect了！
4：變化多多
成日都會以為短髮既造型變化好少，但其實比起一成不變既長髮，短髮都可以變化多多，可以直晒，又可以電曲，更可以內彎外彎。
你亦可以扎依家好興既短馬尾。感覺隨性之餘，亦都好潮好文青。 而加個髮帶係頭，點驟下你一身平平無奇既打扮，做一個main point又得。
5：更顯輪廓
韓國好興中長Or短髮，貪佢可以令臉部輪廓更突出。有時頭髮太長，係視覺上都會搶走走唔少focus，令人難以留意你精緻既面孔。一頭短髮，再輕輕橋一橋耳仔，成個面部輪廓都更突出。
睇完以上5點係咪即刻有個剪短頭髮既衝動呢？大家不妨試下由中長及肩頭髮開始啦！又易Carry，又好睇。
沒有留言:
張貼留言