夏天，除左為大家帶來美腿之外，就梗係帶黎一個又一個小背心啦。天氣咁熱，美女們各式各樣既小背心都齊齊出動！
但你估個個都咁瘦既咩？緊身既背心係要夠Slim 先著得好睇。依家減肥都減唔切，減得黎都冬天了。與其咁難為自己，不如選擇換上寬鬆既背心打造街頭TOM BOY風。
就算有少少肥，一樣咁好睇，絕對令身邊既男仔朋友眼前一亮！
1：長款寬鬆背心，ONE PIECE 款
夠晒爽朗活潑，小性感之餘又唔會比人覺得造作。
2：寬鬆坦克背心 + 黑色TOP打底
坦克背心靈魂在於入面既打底唔可以太長，最好岩岩好係側邊睇到少少腰，咁樣就最好睇。
提提大家，著其他顏色，無論係白色、粉紅色既打底，感覺都特別似係內衣。而著黑色TOP / 小抹胸 打底就岩晒！型格得黎又勁顯小性感。
3：闊邊背心
想著背心又驚自己著得唔好睇？
比起吊帶小帶心，膠袋型既小背心，闊邊既寬鬆背心，就係修飾身型既最佳背心系列。特別可以遮到副乳嗰啲鬼鼠肉，視覺效果上抑會覺得手臂無咁粗。
除此之外，寬鬆背心都有好多配搭。好似襯短褲、短裙，一樣都係咁Match！同普通小背心唔同既，寬鬆背心會比較Raw 啲，感覺都爽朗啲，唔會比人有刻意賣弄性感既感覺。
-
-
睇完以上既寬鬆背心配搭，係咪即刻想去買返件呢？？唔洗怕醜，一齊享受夏天啦！
沒有留言:
張貼留言