人，愈黎愈大，就特別掛住以前中、小學嗰陣，嘻嘻哈哈又一日，每日都好想返學見到同學仔既日子。相信到依家長大成人既你地，身邊既閨蜜，總係唔少得嗰幾個由細同你玩到大既好朋友。
之不過，你同你既閨蜜去過旅行未呢？
未去過既話就實在係太可惜喇！同好姊妹去旅行係to do list 重要既一項，因為好處真係多籮籮！
-
1：開心SHARE
去旅行，最麻煩就係要帶沖涼水、洗頭水、卸妝等等。
去Ocamp人都未識多個既時候，係唔會夠膽YO 其他人一齊Share呢啲日用品， 而閨蜜就唔同喇！
不論係清潔用品、化妝品、面膜、食物，甚至係衫、褲、配飾，只要你需要既，相信佢都好樂意Share比你。係互相溝通下，你帶乜野，我帶乜野，自然可以減省唔少行李，回程嗰陣就可以買多啲啦！
P.S. 你個行李唔夠擺既話，閨蜜就係你既救星！
2：My “BEST”Camera Man
去旅行，就梗係想影啲靚相留念同呃Like嫁啦！
但一大班人去旅行，個個都顧緊唔同既野，係幫人影相嗰陣，唔係影到面大腳短，就係Out晒Focus。不過話晒係人地幫你影，就算影得唔好，你都唔夠膽再講咁多野啦！
而閨蜜就係你最佳既Camera Man，唔會影一兩張就無耐性，仲會不斷幫你就角度，去影你最瘦最靚既一面！ ((呢啲先係好朋友嫁嘛！))
3：Shopping Guide /Guy
去得旅行，就梗係要plan定買乜野，去邊到買嫁啦！ 但同一大班人或者同男友去旅行嗰陣，又要顧及大家有唔同既興趣，就算睇岩件衫都唔敢左試右試，可能都係走馬看花咁。
閨蜜就清楚晒你既喜好、興趣同脾性，行程上都會遷就雙方既意見，為你建議最適合你既購物路線。就算一日要走唔同地方不斷買買買，又或者Hea係間Cafe成日扮文青，相信佢都好樂意陪你，甚至比你買得更瘋狂添！
4：「唔準笑我！」
身為閨蜜，係你樣衰到爆既事上，佢就一定會取笑你嫁喇。但因為認識同相識，你唔會因為自己一啲好蠢好傻仔既樣而怕醜。
就算係街見到你偶像既紙牌公仔，係同一個位置影一百張寫真，見到啲得意既野即刻衝埋去，閨蜜都會願意陪你癲！
5：Shall We Talk?
無論去旅行、去Ocamp也好，最重要既一環就梗係大家沖完涼，落晒妝，素晒顏咁攤係張床到玩同傾計啦！
係呢個舒服既moment，傾下以前既往事，講返今日既趣事，仲會將平時都唔會點講出口既心底話一一傾訴。透過呢個Trip，相信你地既友情同姊妹情一定會更Strong！
-
-
講到呢到，唔知你地又諗起身邊既邊個一個「她」呢？ 友情係要維繫既，快啲拎起你部電話，多啲聯繫你珍惜既每一個「她」啦！
沒有留言:
張貼留言