150CM都能穿出MODEL感，4個著衫Point 你Get到未？哈比族有救了！

係香港，大部份女仔都生得唔高，而一米五幾既女仔係好普遍。

呢一班女仔搞盡腦汁，各出其法，都只係想睇落去無咁矮無咁細隻。不過礙於先天就係細細粒粒，所以總係比人有唔夠成熟既感覺。到底點樣著衫，視覺上會比例好啲？

1：V字領

唔想成日比人笑自己似中小學生？不妨著少啲圓領，著多啲V字領。

V字領露出頸同鎖骨既部份比圓領多，可以令你視覺上睇落去更高挑，比例都會拉長。

對於包包臉女仔，V字領都係個視覺瘦臉既好方法！

2：Mini Skirt Or 高腰長裙

大家有留意開Fashion，都知道短裙要著得夠裙先好睇。適當地露出多一啲皮膚，大約係膝頭哥對上10cm既位置就係一個拉長比例既好長度。

其實調返轉著超長既，一樣可以比人有大長腿同瘦腳既錯覺。不過無論如何，細細粒既你都係唔好著啲唔長唔短 or 及膝既裙款褲款，絕對係大忌！睇落去會特別細粒同短嫁個人！

3：SAME TONE

著衫著同一個TONE 係可以修飾比例，有視覺延伸既效果。而同一個TONE 都會有一種著緊ONE PIECE or 係一Set衫既錯覺，整體覺得更俐落乾淨。

4：丸子頭

話就話想睇落去成熟啲，但最重要都係個人顯瘦顯高最重要！而扎得高高既丸子頭就有顯高同顯小臉既作用，反而頭髮太長會拉低整個人既高度同比例。

絲打們，抬起頭來，一齊做一個自豪既米五幾啦！