由長變短，一樣咁省鏡咁有仙氣既韓國女藝人。邊個話女神一定要係長頭髮？

邊個話女神一定要係長頭髮？雖然好多男仔都咁話，但查實講到底，咪‧‧‧又係睇樣 -_- 不過唔係個個女神都Carry到短頭髮嫁喎！今日就等小編為大家介紹一位長、短頭髮都咁有仙氣既女神啦！

-

-

早排《太陽的後裔》Hit爆，連帶第2女主角金智媛都紅到發紫。但查實有留意開韓劇既，都知佢就係《繼承者們》入面嗰個有錢女 Rachel，又或者再早啲《致美麗的你》明戀男主角既女二角色。

-

-

雖然當時既金智媛仲未紅起，都係做緊配角位，但精緻既美貌，柔順既長頭髮，精湛既演技，相信大家都會對佢留下深刻既印象。

-

 

而智媛係《太陽的後裔》就一試短髮LOOK。雖然衣穿軍裝，劇中性格又比較硬朗，但係憑住智媛一頭短髮既清新爽朗氣質，就立即比韓國男仔封為女神。佢仲係今年票選最適合著軍裝既女藝人添。

-

 

智媛呢個長度既短髮都幾唔錯。不論凌亂、向內、向外圈、電曲 都好，都有一種好爽好攝人既感覺。加埋智媛亮晶晶既雙眼、甜美既樣，連女仔都比佢吸引到阿！

-

 

依家夏天熱辣辣，想消消暑，大家不妨考慮下剪返個金智媛式短髮啦！

韓國女團LOVELYZ ─ Ah Choo 背帶裙熱潮，韓妹必備白搭背帶裙。

早前憑住一首《Destiny》comeback韓國歌謠界既韓國女團，INFINITE 師妹-LOVELYZ，由於形象清純可人，所以係世界各地都吸到唔少粉絲。

 

不過小編今日要講既唔係佢地今次既comeback，而係佢地上一次回歸既《Ah Choo》，呢首歌雖然拎唔到1位，不過都算唱到街知巷聞，而佢地既打歌服 ─ 背帶裙，都係韓妹界 帶動左一股背帶裙熱潮。

-

-

-

就係呢一款背帶裙！

 

有別於以前大家著開既兩條直帶抑或係工人裙背帶，佢個背帶位係V字型落到腰間，加上裙擺比較泡同闊，跳起舞上黎就更加得意同動感。

 

((小編就覺得有啲日系女僕Feel，感覺好顯年輕同可愛))

-

-

 

 

LOVELYZ 出名係多色多款打歌服，同一個配搭同Matching，佢公司係可以出盡所有顏色，務求令每一場音樂放送演出都有啲唔同。除左主打嗰款格仔背帶裙之外，基本上佢地既打歌服出晒咁多個顏色，都係每場著1次咁大把。覺得佢地公司真係好大手筆:)

-

-

帶動左熱潮之後，唔少女團都已經著手入貨呢款背帶裙。例如岩岩呢幾日先出道既新女團Gu9udan咁，佢地既概念照就著上左紅色格仔背帶裙。

 

-

不過有少少唔同既係個V位開得比較高腰，感覺就會學生Feel好多。

 

呢款背帶裙真係好白搭，無論條裙隻色係幾難襯，你入面簡單著件白T  or 白恤衫就已經好Match！唔同顏色襯出黎既感覺都會有啲唔同，不過大致上都係欺欺文文，充滿女友感。

-

-

-

睇完係咪都好想入手一條韓式背帶裙呢！

點解早訓都會有眼袋？兩大無可避免既眼袋成因，原來係咁！

依家年輕人年紀細細就已經遇到大眼袋既問題，就算係平日好早訓既精乖寶寶，對於眼袋都無晒乎。

-

但查實眼袋又唔一定淨系夜訓，少訓教先會形成，同時亦有兩種難以避免既眼袋成因。

-

-

TYPE ONE:  遺傳

遺傳呢個真係冇得講， 絕對係無辦法單靠休息同食療去招架既眼袋類型。

-

歐亞美創醫學專家指遺傳性眼袋難以避免，可以代代相傳，仲可以隔代相傳。由於有家族遺傳史，呢一類既眼袋係後生既時候就已經現晒形。

-

Dr. BK Laser 醫學專家仲話 『父母有大眼袋的話，孩子遺傳眼袋的機率就非常大。』

-

所以眼袋真係唔講得笑，若果各位Sis既 爸爸媽媽或者爺爺麻麻後生既時候就已經有眼袋問題，咁你就有好大既機會會得到遺傳性眼袋:(

-

-

TYPE TWO: 年齡漸長

年紀愈大，自自然身體機能同埋新陳代謝都比年輕人差，所以個眼袋咪更加明顯囉。

連『經過那些年~』好識護理養生既汪阿姐都話難以抵擋歲月既洗禮！

-

-

-

『人類平均一天要眨眼一萬次』，可想而知眼部肌膚既運動量係極大。隨住年紀愈黎愈大，肌膚都會逐漸老化。尤其眼周皮膚咁薄弱，比起其他部份仲要老化得快。好似我地呢啲日日都要帶Con既女仔黎講，日日都要撐大隻眼，嗰兩秒真係好傷眼皮。而眼皮變得鬆弛，眼袋就會現晒出黎。

-

-

當然如果你化妝技術好既，眼袋都可以遮得好好，影相睇落去都係可以好省鏡。不過眼袋呢啲遮得幾多？轉個角度睇就已經現晒形 :(

Dr. BK Laser 專家表示 以上兩大成因既眼袋都難以自然收復，除左考慮專業既去眼袋治療之外，查實都冇咩方法去改善，唔好話切底根治添啦:(:( 

-

-

-

資訊由Dr. BK Laser提供。

韓國大勢女團TWICE ─Cheer Up 打歌服Key Point，與昔日啦啦隊服大不同！

有留意開韓圈，應該都會知TWICE首Cheer Up由4月尾開始到依家，依然係各大音樂榜當中屹立不倒，淨系音樂節目既1位獎座都拎左11個，仲唔係大勢就傻啦。

-

-

除左唱到皆知巷聞既SHY SHY SHY之外，其實TWICE係呢首歌既打歌服都落左好多心思嫁！等小編同你地綜合一下啦:)

-

-

-

淨係睇ALBUM主打衫，選用湖水淺藍色，都有別於以往一般強勢既啦啦隊服。而係Cutting上，都唔係9人一式一樣，而係有9款不一既Design Cutting；例如Mina既中長袖包臂短裙，定延既短身上衣拼高腰短褲咁；配搭上雖然各有不同，但當9個人拚埋一齊又絕對唔會違和既團體感。

 

係呢一點，小編都幾佩服韓國既服裝組，特別係IDOL每場放送都要轉衫，對於成員多既組合，除左諗唔同既Cutting搞盡腦汁，係整理上好多Staffs都大叫辛苦。

-

-

黎到另一款曝光率最多既打歌服，就係短身棒球嬲 x 高腰短褲。

 

 

呢個Matching之所以咁Hit，其中一個原因就梗係因為之前1theK搞既Dance  Cover比賽，令唔同地方既美少女都著迷TWICE呢個棒球嬲Matching，(順帶一提，香港有一隊仲嬴左第2名添)，所以係香港都分分鐘會撞見幾個打扮得好『TWICE』既朋友！

-

 

有別於以往棒球嬲要鬆身要OVER SIZE要夠HIP HOP，TWICE就話棒球嬲都可以好SLIM CUT，短身設計露出小蠻腰，感覺仲更加青春，更加有Cheer Up既氣息！

 

 

係顏色Matching上都好絕配，好似上圖藍色x 白色，到下圖 紫藍色x 黑色， 一樣咁Sharp咁Young:)

 

-

-

RED & BLACK！

 

 

仲諗緊佢地今次Cheer Up會以清新顏色為主？NO！佢地係其中一場音樂放送都有著過紅色嫁，不過就有別於啦啦隊衫，而係帶出左一種韓國依家好興既『Girl Crush』Style，型格十足。

-

 

DENIM 牛仔！

 

 

牛仔一向比人隨意輕鬆既感覺，而呢一場既打歌服就展得更加親民。每個成員既打扮都係以牛仔為主，配搭白色 or 紅色ITEM為亮點，呢個造型直接就出得街，Casual Look得黎又好Young。

-

 

粉絲『ONCE』設計！

 

香港唔少絲打巴打都係ONCE (TWICE既官方粉絲名)，不過身為Fans，你都唔會估到偶像會著住你設計既衫係舞台上面表演！

 

 

而TWICE今次就揀左其中一位ONCE既Design，打造左呢套成為經典既粉紅 Cheer Up 舞衣。雖然係配搭上唔算係十分特別，但絕對係女仔見到都會鍾意既顏色 (Pink x Tiffany Blue)，更可貴既當然係ONCE既細心設計，每個成員既號碼同款式都唔同嫁！

 

-

-

其實打歌服就仲有好多好多，而小編就先綜合啲比較特別既Fashion，希望你地都喜歡今日既分享:)

咁後生就有 眼乾？眼紋？眼袋？Dr. BK Laser話你知！

眼睛身為女士們最重視既靈魂之窗，無論咩年紀，個個都因為個黑眼圈同眼袋大嗌頭痕！

-

查實都市女性日晚晚都熬夜，唔好話OFFICE LADY啦，連依家怪獸家長都話要咩『嬴在射精前』『嬴在子宮前』，成班小朋友為左讀書都搞到無教好訓，加上飲食不均衝，眼部問題自然就唔少啦。好似眼袋、黑眼圈、眼紋、眼腫等等，已經唔係上左年紀既人先有喇！

Dr. BK Laser話，及早保養好我地寶貴既雙目真係好重要嫁！

-

Tips one：眼部補水

歐亞美創醫學專家解釋 眼皮肌膚十分薄弱，好容易因為乾燥而出現皺摺，形成眼袋及眼紋。特別係捱夜之後，眼部肌膚會較乾燥敏感，皮膚水油分泌就好容易出現不平衡。

所以眼部補水係勁重要嫁！每天8杯水就MUST嫁啦，而保濕面膜、眼膜、保濕眼霜等等既護膚品都可以提高眼皮含水量，對眼部肌膚補水都好有幫助！

Dr. BK Laser專家貼心提示：

先塗上有精華成分既眼霜，然後帶上蒸汽眼罩，係可以針對黑眼圈、眼袋等問題，令眼皮係訓覺嗰陣都能得到充分既滋潤。

-

-

Tips two：眼部防曬

一般女士只FOCUS面部及身體的防曬，又驚曬黑又驚出雀斑，但其實眼部肌膚先係你地最易忽略又最易被曬傷既一部分！

Dr. BK Laser 專家解釋 除左因為乾燥會容易出現眼紋之外，黑眼圈及眼袋問題都會因強烈的紫外線照射而加深。雖然普遍日霜都有防曬功效，但一般功效只能last到兩至三小時，係難以充分地保護我地既眼皮嫁！

-

-

因此Dr. BK Laser 專家就建議 大家應該留意眼部集中既防曬護理。而市面上已經出現左唔少眼部專用防曬霜，大家可以因應自己肌膚狀況選用合適既產品。

而在烈日下，記住戴返個太陽眼鏡出門喇！

-

-

Tips three：眼部新陳代謝？

對於經常熬夜既人黎講，就算係年輕一代，都難以避免熬夜所帶黎既新陳代謝放緩影響。

-

因此Dr. BK Laser 專家建議 可多作溫和既眼部按摩，既舒緩一整天眼睛既壓力之餘，可以促進新陳代謝，對於減退眼腫、黑眼圈等問題都好有幫助嫁！

但記緊手法力度一定要輕！太用力反而會令皮膚鬆弛嫁！

-

-

以上三點看似係簡單到爆既眼部護理，但其實就係最易被人忽略既三大要點！要好好改善自己既眼部問題，其實要從日常生活護理入手先有效嫁！

資訊由Dr. BK Laser提供。

國民初戀─MISS A 秀智，企鵝瘦身法。既瘦身又能預防胸下垂！

講到韓國既國民初戀，無乜邊個會諗唔起秀智啦！雖然依家有好多後起之秀，好似惠利、雪炫、子瑜等等，不過國民初戀既Title，秀智仲依然係穩守既。

 

但其實係出道初期既秀智，同好多香港女仔一樣都係肥嘟嘟，有啲肉地，當時既佢仙氣仲未散發出黎，究竟係乜野原因乜野方法令到佢突然瘦落黎，仙氣大增呢？

 

 

-

就係 「企鵝瘦身法」！

 

為左改善自己易胖既體質，秀智就研發出專瘦腋下同手臂byebye肉既「企鵝瘦身法」。

-

 

-

方法好簡單！

 

首先將兩腿張開至同你膊頭差唔多既闊度，手腕向外彎成直角、再手臂打直，保持呢個手勢好似企鵝咁，將手臂向前、外、後反覆揮動、伸展，每組8次。

 

呢一系列既動作除左針對byebye肉之外，每日持續地做仲能夠將胸部提升、防止胸部下垂添嫁！難怪秀智身材咁好啦，呢套動作既簡單又有效，間唔中係office、toliet做幾做都好過冇啦！

 

-

-

-

依家既秀智，仙氣、氣場十足，拍攝既廣告同產品代言都已經超過十個，不過重點係佢只得22歲，係94出生既美少女，仲有大把發展機會，難怪可以吸引到韓國型男李敏鎬既垂青啦！雖然雙方工作都好忙，但目前感情仲係好甜蜜嫁！:)

-

 

 

不過隨住MISS A 成員Jia既退隊，目前秀智都係繼續進行個人活動同演戲工作，想快啲聽到MISS A 回歸既消息，可能就仲要等下喇！

 

各位姊妹，拿拿林學起秀智既「企鵝瘦身法」，告別BYEBYE肉！

成日低頭玩手機多，特別容易有熊貓眼？點解既？

依家不論男女老幼，基本上你入到地鐵，個個都拎住著部智能手機低住頭咁篤篤篤，呢個亦都係大家所謂既『低頭族』。

-

平時係低頭族既你，相信都總有唔少頸緊膊痛既問題，原因係機不離手，長時期keep住低頭，係街低頭，係屋企都低頭，久而久之除左頸背，仲有大家都忽略既眼睛禍害，低頭族特別容易有熊貓眼你又知唔知？

-

-

一般人都認為黑眼圈係由於睡眠不足，但其實長期做『低頭族』，向下望住手機或平板電腦都會勁傷害眼睛嫁。

Dr. BK Laser 專家解釋 長期對著熒光幕既光線，眼眶肌肉會變緊，除左會帶黎眼乾、紅眼、加深近視及散光等問題外，更會引致眼部淋巴腫脹及靜脈血液循環變差，咁嗰陣就會形成黑眼圈同埋大眼袋。

-

-

講開講，唔少人都鍾意係臨訓教之前禁禁手機 (小編都係咁-_-)。

Dr. BK Laser 專家就話 其實係黑暗環境下，我們眼睛比起日抖係更加脆弱。熒光幕既強光會使我地眼乾，加劇淋巴循環受阻，引發血管淤塞，令眼底皮膚表面變得深色，形成「熊貓眼」。再講，呢啲強光既衝擊可能使我們精神變得緊張，反而更難入睡，自然帶黎更嚴重既黑眼圈問題啦。

-

-

所以Dr. BK Laser 專家都提醒各位貪靚既你地，係臨訓前就盡量避免再掂電子產品，同埋千其唔好係熜燈之後再著返個Mon睇，否則久而久之，不止係熊貓眼，引起更嚴重既眼睛疾病就大件事。

-

不過唔衰都衰左，有咩改善方法先？雖然坊間一直都流傳左唔少咩~ 敷茶包、熟蛋或者青瓜等等既黑眼圈偏方，但其實呢啲所謂既小妙法成效並唔高仲毫無根據，所以小心洗得萬年船，都係唔好亂咁搞！

-

-

不過Dr. BK Laser 專家就貼心建議各位，盡可能比眼睛休息，每30分鐘黎個短暫既小休；(閉一閉目養神都好過冇，但返緊工就千其唔好訓著左喇！)。若發現眼乾，可以使用眼藥水或人工淚液，為眼睛補充水分都好重要嫁！

-

係大家都左諗右諗，諗盡辦法要遮黑眼圈，不妨首先從日常生活入手，少啲低頭，脫離『低頭族』行列，早啲訓教，仲好過用幾百蚊既眼霜啦！

-

資訊由Dr. BK Laser提供。