女仔邊個唔想比男仔話係女神喎，不過比起我地係電視上睇到既女神，依家既男仔好似更鍾意無距離感又『全自然』既自然系女神。要做到呢一Type，除左你要有與生俱來既樸素感，有幾點特質都好重要嫁！
-
1：No make up 無添加！
講到男仔既理想女神，唔好話整容啦，佢地最希望對方就算唔化妝都咁省鏡，最好平日臉上一啲BB Cream都冇。
-
不過要素顏都咁靚，只係五官精緻，有整齊濃眉既人先咁大膽嫁咋。
-
對於唔敢素顏出街既你，要打造『偽』素顏，就要參考下韓妝喇！而依家韓國咁興裸妝，都係為左打造鄰家女孩自然樸素既一面。
-
-
2. 乾淨指甲
因為早年既日風，好多女仔都鍾意整指甲，痴到十隻手指都係珠片，又抑或油到五顏六色。不過查實男仔特別鍾情於無添加既女仔，指甲都唔例外！指甲要修剪得十分整齊，係無指甲油下，感覺特別樸素、乾淨。
-
-
3. Simple Fashion
女仔洗錢洗係邊到最多？化妝品、護膚品呢啲必需品就MUST既。其次呢，就一定係花係買衫、買袋、買飾物上。雖則港女去到邊都總有幾個，但係港男心中既自然系女神，就係身穿素色T/ 間條item，唔咩名牌袋，簡簡單單一個布袋，造型打扮得好simple 好簡潔既女仔。
呢一TYPE既女仔係大學入面都好吃香嫁！
-
4. Dark Hair Color
依家韓風都好興霧感啡、淺色透明感既髮色，不過呢啲襯落韓國idol上就好J得，而係現實生活上，好多香港人都會對呢啲髮色指指點點。而男仔理想女神，就最好係深色自然既髮色，喜歡低調，呢種清雅既感覺，佢地就最buy喇！
-
-
5. My Favorite : 平底鞋 & 波鞋
香港好多人女仔都係細細粒 (小編我都係 -_-)，所以高爭鞋 or 有platform既波鞋，都係大家必選。但對於男仔黎講，高爭鞋好似只係會出現係重要既場合入面，例如grad din咁，啲女仔扮靚都好正常阿！而係日常生活入面，男仔就最鍾意異性係著平底鞋or 波鞋，而且堅‧女神係唔會有「心情好買鞋，心情唔好又買鞋」呢一種諗法既。
有另一個講法係依家好多男仔都唔高，所以更唔希望自己女神係高高在上，反而喜歡一啲無距離感又親民既自然系女神。
-
-
如果MATCH以上5點既話，呢啲女仔會散發出『仙氣』既女神感，唔止男仔鍾意 ，連女仔都特別鍾意呢Type乖乖又樸素既女神。睇到以上既照片，都估到韓國邊個女星係自然系女神既代表，就係IU喇！
-
唔知大家身邊有冇呢一類全自然既女神朋友呢？
沒有留言:
張貼留言