發熱瀏海捲，仲洗乜等自動定形？一分鐘即搞掂Hani式空氣瀏海！

近幾年因為韓風襲港，全球少女們對Hani既空氣瀏海都一定十分熟悉。相信唔少Sis既屋企都具備幾個髮捲，不過依家科技咁發達，仲洗乜等佢自動定形？

-

-

好多人都用緊直髮夾、曲髮夾直接加熱，定形效果更好！不過空氣瀏海係有壽命嫁！通常出門口幾小時之後就會直返晒，對於頭髮直底既Sis黎講，基本上係Hold唔到好耐，但已經出左門口喇喎，可以點算？

-

-

 

韓國嗰邊就出左個加熱型瀏海捲，髮捲具有發熱功能，只要你連接上『尿袋』、外置叉電器等電源，等大約一分鐘，瀏海捲上嘅燈熄咗就可以捲上你既瀏海，再等一分鐘就馬上搞掂空氣瀏海喇！

 

-

-

係咪好方便呢？

依家大家去到邊都一定會帶外叉嫁啦，有埋呢個加熱型瀏海捲，就萬事佳備，隨時就可以汁汁個陰，Keep住最佳狀態影靚相啦！

-

-

不過好可惜暫時係香港就仲未有售，但係韓國一般Olive young等美妝店都能夠會買到呢個starroll加熱型瀏海捲嫁啦。黎緊要去韓國既Sis就千其唔好錯過喇！