又係Cushion？今次係香水氣墊Cushion，隨時補一補，全日都香噴噴啦！

Cushion產品真係愈出愈多，自從BB cushion同CC cushion之後，最近nature republic又出防曬cushion。對於貪方便既Sis，cushion產品就最適合你喇！

-

-

不過近期Cushion界又有新朋友，就係香水Cushion！

 

小編都無諗過，原來香水都可以用Cushion既format上架，而黎自美國嘅親民香水品牌DEMETER，今次就同姆明Cross over 香水系列，以姆明同氣墊香水兩個賣點做Gimmick，果然又係引起一眾韓妹既追捧，依家係韓國不知幾受歡迎阿！

-

 

-

氣墊香水其實同平日我地用既BB cushion差唔多，同樣係用附送既粉撲 按壓佢注滿香水既氣墊，再印係我地需要既部位 例如手腕耳背 or 衣領袖口上，馬上就香噴噴嫁喇！

-

-

當然依家香水都有出到細細枝，大家係街到補香水都係件好方便好平常既事。不過同BB cushion一樣，大家見到有新包裝、靚既粉盒，都總係會儲幾個。而香水Cushion就係一個Gimmick，大家拎住得得意意、細細盒既香水Cushion出街，最in最吸引視線既仲唔係你？

-

-

品牌DEMETER既氣墊香水仲一共出左6款味道，包括肥皂香、白麝香、柑橘香、嬰兒爽生粉香、禁果香(像泡泡糖味)、以及最暢銷的姆明冰島極光香(像檸檬味)。

 

雖然只有綠色包裝先印有姆明，不過，打開其餘5款氣墊香水嘅盒蓋入面都印有香水嘅花語，好有意思。男朋友們不妨買盒氹下女朋友開心啦！

 

-

-

一盒氣墊香水售價係15,000韓圓，暫時香港仲未有得賣嫁，有朋友去開韓國既，就搵佢地幫下手啦！