Dr. BK Laser專家解構4個化妝NG位，想立即增強自己CP值？首先從化妝入手！

暑假黎喇，個個都玩緊POKEMON GO，三五成群出去捉小精靈既機會多左，就梗係要扮靚靚啦！點解？因為分分鐘係街到撞到熟人，抑或有緣份邂逅都唔出奇嫁！

唔想比朋友仔「捉」到你個殘樣？

係時候睇下專家為大家解構4個最常見既化妝NG位！快啲解決佢！

一：底妝浮粉

依家日日都出去捉小精靈，一玩就玩成個晏奏，又曬又熱，焗到成面都甩晒粉。

Dr. BK Laser 醫學專家話 唔少女仔平日都好少注意保養技巧，皮膚底質太乾都會好難上妝。

以為用保濕度高既BB Cushion就可以易啲上粉？但皮膚乾既問題依然係到，長久只會令妝容愈黎愈厚，浮粉情況就好得人驚。所以，平日保濕一定要做到足！平日持之而恆敷多啲Mask都會有幫助！

二：Shading太狠？

出去捉小精靈邊少得Cap圖，特別係叫朋友幫你同小精靈Capture一張合照。但望望自己，如果陰影打得太狼死，嗰啲啡啡黑黑既位都會被Capture埋落黎！

Dr. BK Laser專家指 現時唔少美妝品牌都推出陰影產品，但真正熟識Shading化妝既女仔唔多。為左鼻高高，臉瘦瘦，拉低髮線，基本上成塊面都上左好多陰影。影相以為靚左好多，但睇真人，一望，其實係十分明顯。特別係啲溶左或者甩粉既陰影粉，一達達咁，仲唔比人「捉」到？

其實Shading有好多技巧，唔同面形，唔同髮線高度，都會有唔同既Shading方法。如果無十足把握化得自然，係出街捉小精靈前就唔會落陰影落得咁狠喇！

三：Over的眉毛

一字眉依家都仲係好興，但同樓上嗰點一樣，係咪個個女仔都咁叻畫眉？唔係。

Dr. BK Laser 專家話 若要硬去畫出唔適合自己眉型既眉毛，盲目去追隨潮流，反而會令整個妝容變得古怪。雖然淺色的粗眉是非常流行，但技巧著重於要夠輕手同柔和，切忌畫得太粗太黑，否則就會好似卡通人物嫁喇！

專家亦建議一啲化妝新手可以使用眉粉，罄比眉筆更易使用，效果亦更自然。

四：烈艷紅唇

個個都爭住捉比卡超，好似未聽到有人話要捉「紅唇娃」喎！但其實我地周邊都有好多

「紅唇娃」。哈哈哈！

Dr. BK Laser 醫學專家指 顯色既唇色的確讓人有好氣息，睇落去都精神啲，但烈艷紅唇誇張既顏色，就未必係男仔所喜歡。唔想比人誤以為係「紅唇娃」？係炎炎夏日，就梗係選擇返啲淡淡地既珊瑚色，既唔沉悶又好睇。

講到呢到，小編都要去捕捉小精靈喇！但等我化返個靚妝，小心留意以上呢4點NG位先！

資訊由Dr. BK Laser提供。

「輕‧性感」細胸女仔的最佳衣著配搭，穿得好看又健康的微性感。

無人完美！你估個個女仔都係有前有後有腳既咩？

其實唔少名模女星都唔係你想像中咁好身材，大概都只係A to B級，但佢地一樣可以將唔同類型既衫著得好時尚好性感。點解？女仔最緊要識著衫！

1：OVERSIZE

唔好以為細胸既女仔著緊身衫就岩晒，其實Oversize都有一種獨特既性感嫁！

Oversize Tee亦都稱為Boyfriend Tee，就好似女仔偷偷地拎左男朋友仔件衫著一樣。我地係電視都會見過女仔著男友件恤衫，因為「下衣失蹤」，所以比人感覺特別性感。

而Oversize都好好襯，例如襯高腰長褲、短褲咁，立即形造一種輕鬆既隨性風。

2：露肩/ 一字肩

露肩衫，可說係依家潮流既TOP ONE！係港台同日韓，周圍都會見到女仔著一字肩或者小露肩既衫。

點解要著露肩？直接著背心唔會性感啲Young啲咩？

年輕人，你真係太年輕喇！ 隱隱約約呢啲先吸引嫁嘛！微微露出少少鎖骨位，膊頭既骨感，就係呢少少就可以令你性感指數大增。其實露得太多反而會無美感嫁！

估計呢陣露肩風仍然會Hit既！平時著得好保守好沉悶既你，想走個「輕‧性感」，不妨試下小露肩啦！對於細胸既女仔， 露肩衫絕對既BEST CHOICE！！

3：恤衫

據說唔少男仔都偏好著恤衫既女仔。係真係假，其實都因人而異。不過對於細胸女仔黎講，恤衫就更容易著出「輕‧性感」既味道。反而太大胸會令整個感覺更怪，好似好逼爆咁樣，毫無美感。

4：坦克背心

對呢個Term好似好陌生？其實坦克背心即係背心兩邊挖左個大窿既背心，入面簡簡單單著返個TOP防走光就OK。

坦克背心一般都係好鬆身，可以輕輕遮住你無自信既部份。而係兩側露出少少腰，呢種「輕‧性感」比起你直接著背心更加特別，亦都更顯瘦。

5：小背心

最後就黎到最BASIC既小背心。對於瘦子，細胸既女仔，貼身緊身既小背心就係一個好既選擇！可以利用緊身衫去突出胸線，小性感之餘又唔會太過火！

男女通殺的韓國女IDOL，GIRL CRUSH熱潮興起！

大家都會覺得 女子組合既粉絲團實係男FANS多過女FANS；反之，男團就係女FANS比例較高；但其實係韓國，唔少女IDOL都吸引到大量女性FANS，亦引起一個「GIRL CRUSH」 熱潮！

唔少剛柔並備既女IDOL都榜上有名，唔知又有無你地心水呢？

EXID – Hani

無人唔識佢喇掛？Hani憑住一首《Up and Down》既飯拍而令全世界Kpop迷都認識佢同埋佢所屬既團體。

EXID本來就係一個好GIRL CRUSH風格既女團，連女仔都會覺得佢地好型格好Charm。但查實Hani有一個好明顯既反差萌。

係綜藝節目，佢男仔頭又傻更更，有住「女漢子」般唔造作既真性情。係舞台上，佢嫵媚誘人，性感既舞姿同眼神，女仔睇到都覺得好怕醜。難怪Hani OPPA 深受男女FANS既支持啦！

少女時代 – 太妍

唔好睇太妍白雪雪、嬌滴滴，有「A4紙片人」之稱既佢，其實係團內溫暖又可靠既大家姐。除左唱功實力必定係女團TOP THREE，其實太妍跳舞都好好睇，好有POWER。

好似早排太妍憑住《Why》solo comeback歌謠界，面對住一系列複雜又急速既舞步，又要唱又要跳，佢依然係發揮得好Perfect！

F(x) – Krystal

同家姐Jessica一樣有個「冰山公主」既朵。外表好似Cool到爆既Krystal，卻係一個外冷內熱既少女。

對住家姐、成員或者Leader Victoria就會扮可愛撒嬌，一埋位，一上舞台，表情就馬上變得型格十足。加上佢擁有IDOL界聞名既11字腹肌，更被時尚雜誌評為時尚ICON。貴為Etude House長用既代言人，難怪唔少女仔都話Krystal係佢地偶像啦！

SISTAR

講到GIRL CRUSH，邊少得SISTAR份！但今次唔係講一位成員，而係全員！

SISTAR 四人四色，身材高挑又腳長，堪稱為身材完美既女子團體。

孝琳既蜜糖肌、世界級既唱功，寶拉黃金比例既長腿、爽朗既性格，Soyou結實又圴稱既曲線美，多順白滑既美肌同清純既五官，SISTAR入面總有一個岩你心水。

雖然SISTAR大部份既歌都係夏日Summer Song，但四位成員各具獨特既性感魅力，性感得黎又好健康、唔造作，加上實力並備，連女仔都好難唔愛上佢地！

----

其實仲有好多好多，好似Apink、Red Velvet、TWICE等等，都係男女通殺既女團。

要係樂壇Long Stay，只係關注於異性Market而賣弄性感係唔Work嫁！希望睇到更多韓國女團搵到自己獨特既定位，可以係世界繼續發光發亮啦！

韓妹夏日FASHION，必備「純白TEE」。既白搭又唔吸熱，打造小清新Image！

夏天熱辣辣，唔係仲著住件深色衫、黑色TEE掛？唔熱死都吸蚊啦 >_< 

想清爽得黎，又易襯衫？

相信大家心入面都有答案，無錯！就係白TEE喇！無論係咩Texture，咩厚度，白色TEE永遠都係你衣櫃入面必備既Item！

1：TEE X  牛仔

有留意小編之前既文章，應該都記得我講過白撞藍係Perfect match。清新之餘又唔會太過Lady同小朋友。

而白TEE撞牛仔，會有種簡約既隨性感。想簡簡單單唔洗諗點襯衫就搞掂？白TEE拼牛仔短褲、長短、裙，一樣都咁MATCH！！

2：TEE X 背帶裙

韓國既女仔好鍾意著背帶裙，貪佢夠YOUNG夠FASHION！而入面襯咩好？諗起天氣咁熱，就梗係內搭一件白TEE啦！

3：TEE X 黑色BOTTOM ITEM

想走COOL COOL地既路線，又唔想煩？黑白配就最能表達你型格既一面。

白TEE撞黑色緊身長褲定黑色長裙，一樣都係好FASHION！

4：TEE X 小碎花

碎花係小清新既元素，想走文青小清新路線既，不妨試下用白TEE撞小碎花ITEM，感覺更YOUNG更清爽！

白TEE固然要買定幾件看門口，不過女士們就梗係買返件唔透既全綿白TEE，唔洗打底咁麻煩之如又舒服索汗。

一齊迎接清新既HOT SUMMER啦！

頭髮特別乾旱泛黃？同十個常見的壞習慣Say NO，好好保養秀髮吧！

除左大家重視個「樣」之外，一把靚又柔順既秀髮，都係好加分！

但唔少後生仔女，因為朝朝拉直髮夾，成日補染，所以搞到把頭髮又乾又旱，仲可能出現髮尾枯枯黃黃既問題 。 ((拿~ 嗰啲唔係你染頭甩色甩到金，係真係傷左質絲))

一齊黎了解下，究竟日常生活當中，我地有乜野壞習慣要KO左佢先有靚既秀髮！

1：日梳夜梳

有人話梳得頭髮多可以令頭皮血液循環得更好，又可以促進頭髮生快啲。呢一個說法係正確，但介乎於梳頭既次數同埋力度。好多女仔每日不斷梳，其實咁樣可能會有反效果，仲會愈甩愈多頭髮。

Dr. BK Laser 專家指 「正確的方法是在睡教前由髮根往下梳，梳大約幾分鐘，使分泌的油脂更平均地分佈在頭髮上，能使你頭髮更光澤柔順。」

2：常處於冷氣環境

開得冷氣多，皮膚都會因為乾燥環境而變差。其實頭髮都係一樣！所以係夜晚開冷氣既時候，不妨係房間放一杯水，可以令空間既濕度更平衡，減少乾燥問題困擾。

3：棉質枕頭套

好多人揀衣物或床上用品時，都必定會揀100%棉質，貪佢夠索汗又唔會敏感。

Dr. BK Laser 醫學專家指 棉質既枕頭套係會因摩擦而產生髮質毛燥。所以建議換上順滑既絲質枕頭，對乾燥頭髮比較好！

4：頭髮未乾就直接訓

有陣時去街去夜左，或者收工要OT，唔少人都可能好夜先沖涼洗頭。礙於第二朝要早起，所以頭髮未乾晒都會直接訓，然後訓醒就會發現有好多斷左既髮絲係枕頭上面，仲會有一陣陣既頭痛添。

其實頭髮濕住訓，髮質係十分容易受損。所以最好既方法，一定係自然乾透 然後先訓教！

5：朝早洗頭

((小編都有呢個壞習慣:())

當然，你都可以選擇朝早洗頭等佢慢慢自然乾，不過有時趕起上黎都會直接吹乾佢，但咁早洗頭本來都已經好傷好易會頭痛，頭髮仲特別脆弱，好容易甩頭髮。所以Dr. BK Laser 專家都係唔建議朝早洗頭。

6：頭髮扎太緊

返學既時候就梗係要扎頭髮嫁啦！好多女仔都會將頭髮扎得好高，同埋扎得好緊，覺得會俐落啲同靚啲。但其實將頭髮扎得太緊會造成頭皮負擔，髮絲更容脫落之餘，個髮線仲會愈拉愈後，遲下就變大額頭嫁喇！

((小編心諗，早知細個就扎低邊唔扎高邊啦！))

7：金屬髮飾

唔少人都會鍾意帶髮飾，髮夾、髮圈等等，但有無發現自己一除髮飾嗰陣就甩幾條，甚至一汁頭髮仔，咁你要留意下自己係咪用緊有金屬物質既髮飾，因為金屬髮飾係好易令頭髮脫落嫁！

8：直髮夾、曲髮夾

為左方便造型，好多女仔都係一頭直髮，然後朝早出門前就夾直啲，又抑或係夾曲佢。其實電髮夾係十分傷頭髮，愈夾，頭髮愈多開叉愈黃。

Dr. BK Laser 醫學專家就話 如果大家係好想有曲髮既，可以用綁髮黎代替，前一晚「賓」邊「賓」滿成頭，訓醒除左啲髮圈之後就會有一頭曲髮。相比起用電髮夾無咁傷！

9：零 頭髮保養

適當同定期既頭髮頭皮保養係可使頭髮更健康更不易折斷，亦可以減少因阻塞毛囊而造成既脫髮。但切記唔好過度清潔 或者經常焗油！！去髮型屋做下Treatment，搵專業既人士幫你啦！

想頭髮靚靚？？把握以上9點！

資訊由Dr. BK Laser提供。

蜜糖肌當道，唔一定生得白先叫靚！蜜糖肌好處好好，展現個人性感魅力！

「一白遮三醜」呢個真係講N年都仲係唔會OUT，因為唔少人都認為女仔要生得夠白先係靚，先係女神。但查實生得白都有好多困擾，好似顯肥，顯疲態，小小瑕疵都會盡現人前咁，有時小編都幾羨慕啲有健康膚色既人>_< 話時話，依家蜜糖肌當道喎！

1：健康性感UPUPUP！

蜜糖膚色既人，往往都比人一種好健康既感覺。可能就咁著一件背心，就已經份外Sexy，但又唔會覺得好過火或者太暴露，係一種好健康既性感。

2：顯瘦！

無論你係45KG定55KG，個個女仔都希望自己睇落去顯瘦啲。而生得白既人，肥小小就會感覺肉肉圓圓。相反，蜜糖色膚色既人，睇落去除左更陽光更有活力之外，視覺係顯瘦好多，感覺個BODY都FIRM啲。

3：Active！Outgoing！

蜜糖肌女仔總係比人一種熱愛運動既感覺。同時，亦都比人感覺你好爽朗、活潑、外向。因為鍾意出街，唔怕曬，所以呢一類女仔一定會識到唔少朋友仔，男女通殺！ 

4：更有個人風格

成日都聽到有朋友話要美白，想白啲，而係一堆白人人群中既蜜糖肌，就比人感覺更有性格。唔隨波逐流既你，分分種先係男仔target既自然美女神！

其實蜜糖肌都好處多多，好多擁有密糖肌既韓國IDOL都紅到發紫，邊個話女仔一定要白先靚？