成日都會有人問，「最近興咩髮色？」但查實能夠最多變化既係‧‧‧髮式！
每日都係放晒啲頭髮落黎都會好沉悶，而且成日轉髮色頭髮都會好傷，仲好曬錢 >_< 如果想每日都有一點不同，不如參考下小編為大家搜羅既韓妹大熱髮式！
1：高馬尾
好多年輕男人既夢想，都係唔洗著住校服都咁PURE既女仔。而高馬尾，往往令人回憶起中學時期既女仔，既清純又自然。
而高馬尾著重俐落感同自然，扎得高得黎都唔可以太緊嫁！
2：曲髮
打開雜誌，差唔多頁頁都係啲曲髮女郎。曲髮好似就係打造時尚感同女神既必備條件，唔少女仔都會靠一頭曲髮去令自己更顯成熟。
不過又唔洗特登去電曲髮既，因為曲髮比較難打理，平時用曲髮夾捲一捲，間唔中散發下女人味都係個好方法！
3：低馬尾
可能受住劇集女主角既影響，低馬尾係近幾年韓國大熱既髮式。主打隨性風同時尚感，鬆鬆散散先係魅力所在。
-
以上3種係大家比較容易Carry既髮式。以下落黎會同大家介紹難度複雜啲啲既髮式。
4：「賓」辮
「賓」辮亦即係三股辮，相信個個女仔都識整，但又怕咁樣出街會好扮野。
但其實三股辮都係韓妹既愛好髮式，特別係單邊嗰隻，將髮絲拉鬆小小營造出慵懶感，會有種小女僕既可愛感。
5：雙丸子頭
呢個髮式會比人諗緊杯緣子？又或者係愛麗絲？？小紅帽？？ 大致係比較童話故事主角既感覺，可愛得黎又夢幻。
-
馬上學起以上既髮式，讓自己平凡既直頭髮，變得更特別。:)
沒有留言:
張貼留言