同姊妹們講起香港卡通片既集體回憶，除左大家會諗起《美少女戰士》，一定有《小魔女DoReMi》份。
細細個嗰陣，《小魔女DoReMi》係一班小學雞必定追捧既卡通片。主角所講既魔法咒語，好似「比利卡 比利那那 抱抱利那 比比路多~」咁，到到依家長大成人既我地，都仲係腦到，洗唔走。
睇住《美少女戰士》不斷出化妝品，鏡盒等等既必儲既收藏品，有時都諗點解DoReMi唔出既？？？講下講下，日本嗰邊終於要出喇！
首波推出既美妝品，就係大家都總係會需要佢既，潤唇膏。仲係士多啤梨味添嫁！
潤唇膏既外型正正係主角DoReMi用既粉紅色魔法棒，100%同我地睇卡通片既一樣。只要打開魔法棒上半部份，就係潤唇膏。超級得意阿！
細個每個女仔都想擁有一枝魔法棒，到到依家大個都總係好想珍藏一枝。不過要買枝一比一既魔棒法，真係炒到好貴，成千蚊都未必買到。而呢一枝潤唇膏就正合大家，用黎影相又靚，帶出街補唇膏又靚，用完枝唇膏又可以繼續珍藏返。唔怪得日本一話推出，啲日本妹妹已經衝晒去官網預訂啦！>_<
睇返日本個網，每枝賣2,376 日元。岩岩開始預約發售，大約9月先會正式發送。所以要搶先得到呢枝魔法棒，就要拿拿聲預訂喇！
有興趣既絲打，可以去佢個官網望下：
沒有留言:
張貼留言