精靈系女神； 韓國IDOL界金髮精靈 少女時代─金太妍。

身為少女時代Leader同主唱既金太妍，呢一年都忙於個人活動，係岩岩早幾日先出左新歌《WHY》既MV，接著既時間會繼續忙過不停。

-

-

不過唔好睇太妍又係團內大姐大又係首位SOLO出道既成員，應該好型格好有威嚴。其實現實既佢細細粒，性格爽朗，反而係隊內既傻大姐一名。而太妍除左樣靚之外，最吸引人既就梗係佢嗰種溫柔小巧，好似精靈咁有仙氣既感覺。要講到韓國偶像界最精靈既名單，入面就一定會有太妍。

-

-

擁有牛奶肌既太妍，可說係女IDOL入面最適合淺色髮色既人。佢係近幾個MV都紛紛以銀灰色、金色、淺啡色髮色示人，整個人既仙氣又再提升，打造左精靈系女神既Image。

-

再睇返最新《WHY》MV入面既造型，造型百變，加上一頭好外國風情既金色短髮，唔係個個都Carry到嫁！

-

-

少時雖然係長腿組合，不過太妍其實係隊內都比較細粒，加上佢超級瘦又輕飄飄，有A4紙人之稱既佢，反而造就左精靈既Image。

不過除左身高同呢一頭金髮功不可抹之外，太妍既牛奶肌可算係佢一大賣點。唔係靠搽粉，由頭到腳都白雪雪既太妍，就好似係自體發光器咁，一有少少spotlight 或者陽光照射，真係成個人會發光咁Sharp。

點解可以白得咁好睇嫁？係舞台上面既太妍真係特別攝人，就好似係童話出黎既小精靈咁，難怪太妍係男女通殺啦！小編都好羨慕佢又瘦又充滿仙氣:)