韓國女團AOA 人氣成員 雪炫 減肥實錄！極速瘦身總係要肯捱肯忍？

黎到炎炎夏季，日日閒閒地都32度起跳，真係連著短袖Tee都仲係流晒汗-_- 不過要我著小背心、吊帶、熱褲呢，又心諗冇咁既身材就唔好咁樣著啦。

-

減肥呢件事，日日夜夜都會擺係口唇邊，不過其實減肥既要點，係要肯捱肯忍！所以小編係勁佩服韓國啲女IDOL，點樣可以忍到唔食野嫁？ 今日就等小編同大家睇下AOA成員雪炫既極速瘦身實錄啦！ 

-

-

係韓國，周圍都會見到有雪炫既廣告牌，就知佢最近有幾咁紅啦！MODEL身材既雪炫，身高167cm，但體重只有47KG。

(小編心諗佢生得咁高都係得47KG，我呢‧‧‧‧‧)

-

睇睇雪炫減肥前。

查實雪炫既臉形係屬於比較飽滿，骨架都比較大，所以只要肥少少，就會比人覺得佢好大隻。而係出道初期既佢，同唔少香港女仔一樣係BABY FAT，高峰期去到60KG添嫁。

-

係拍攝電視劇期間，為左上鏡效果更靚，雪炫形容自己就好似吸血鬼一樣，謝絕所有要咀嚼要咬既食物，只係食一啲容易消化既流質食品或者生果。

-

為左極速減磅，每日只食一餐，餐單中最豐富都只係得蕃薯、雞胸肉、雞蛋同蔬菜，而係下午5 點後完全禁食，只會飲水。

-

聽落去，覺得比咩香蕉 OR 蘋果減肥法正路好多，都叫真係有餐正常阿！不過要你每一日只食一餐唔好話唔陰公，所以話韓國啲IDOL真係好捱得忍得！

-

當然，努力過後既成果係有目共睹既。依家既雪炫憑住一身FIT到爆又豐滿既身材，成為廣告界新寵兒。但要KEEP住呢副咁好既身材，每日既運動同按摩都唔少得！

夜晚禁食，係韓國十分普遍，不過唔同人都有唔同既時間界定。有啲人會選擇4 – 5點，寬鬆啲既就會選擇8點後先完全禁食。

對於平日有食開宵夜既香港人而言，禁食真係好難，但大前題都係量力而為啦！大家不妨將夜晚啲小零食、宵夜，轉為有營養又唔會好肥既NUTS 或者生果啦，慢慢就會睇到成果嫁喇！:)