2016年最HIT衣著 露肩裝？去到邊都係一字領、跌膊衫？ 我要做女神！

近排出親街，真係去到邊都係一字膊、跌膊衫，總之就係要露肩。突然間係世界各地都吹起既露肩潮，究竟點樣襯先係Perfect match？點樣既露肩衫先係最有仙氣？ 等小編為大家搜羅一下韓國女IDOL既最佳露肩衣著啦！

-

完美仙氣：白色

講到露肩衫，個個都一定會揀白色。因為白色係最有仙氣最有女神FEEL。

而且露肩衫一般層次都比較多，都係泡泡地，鬆鬆地，有啲Lace咁，而白色就係將呢啲Details發揮得最好既顏色。

不過白色唔好既地方，除左顯肥，就係衫透，入面既打底都要做得足，著落先好睇嫁！

-

甜美仙子LOOK：ONE PIECE

係ONE 「PIECE」 NOT ONE 「PEACE」阿記住！:)

連身裙，一向都比人斯文、乖巧既感覺，而露肩ONE PIECE就係將你可愛甜美既氣質Upgrade 再Upgrade既秘訣！

著到咁有仙氣，行出街肯定會比人望！P.S. 你要係走呢個甜美路線先好咁著阿！((個人風格要同衣著Match，先係最佳既配搭！))

-

Causal得黎又夠攝人：露肩撞牛仔

白色one piece好似又太搶眼太pure，想causal少少，好多人會選擇白色露肩衫襯牛仔褲呢個永遠無死既Matching。

無論你係走型格路線、女神、可愛都好，露肩衫撞牛仔，Charm得黎好fashion，又唔會太過火造作味濃。對於「露肩初哥」，不失為一個好既選擇！

-

HOW ABOUT OTHERS COLORS??

當然黑色睇落去就無咁仙，好似上圖寶拉一身黑色露肩ONE PIECE，比起個個又PURE又TRUE，反而佢一身黑色更加型格搶鏡，更有個人風格。

而IU呢，國民妹妹的形象太深入民心，著住黑色露肩既佢一樣係好甜美，但比起白色，感覺更樸素亦唔會太造作。

睇多款，就係HANI既灰色露肩衫。質料同以上咁多款既雪紡、絲質都唔同，HANI呢款係棉質，比較Sporty feel啲。而形造既感覺自然更活潑健康，更HIP HOP。

-

近排露肩裝咁HIT，就梗係要買返件看下門口啦！不過要買到件岩心水，CUTTING岩既露肩衫，都真係唔係容易嫁！各位姊妹行街比啲心機搵下喇！