揭開《Me Before You》英國酒窩男神 Sam Claflin 神秘面紗，小鮮肉原來已成爸爸？？

愛情電影，向來都深受女士們既熱捧。而近期成為Hot Topic既電影，一定係《Me Before You》，港譯《遇見你之前》。

外國未上映之前，一睇到個Trailer，小編都大讚，「一定要去睇阿！」。故事內容，雖然都係啲萬年都睇唔厭既浪漫悲慘故事，但套戲最吸引女士們既，實係男主角Sam Claflin。

大家對Sam Claflin都唔會好陌生，由《加勒比海盜》、《飢餓遊戲》、《高富帥俱樂部》，到上年係香港上映過既《Love, Rosie》，都係好賣座既電影。

睇完《Me Before You》，就覺得同《Love, Rosie》好相似，因為Sam Claflin既image依然fix係呢種靚仔得黎又好溫柔既角色。亦令Sam成為愛情電影既新寵兒，演邊套紅邊套。

但查實Sam Claflin呢塊小鮮肉，除左因為一口濃厚既英國口音同招牌酒窩笑容令佢被列為全球最性感既男星之一，其實小鮮肉已經成為人夫，仲已經係爸爸添喇！

係2013年，Sam就同佢一見鍾情既女友Laura Haddock結婚。佢老婆都係英國著名演員，所以經常都會孖住現身。

而現年30歲既Sam同佢既靚靚老婆係舊年11月就迎接左佢地既第一個小朋友。Sam亦有提過佢一直都忙於拍戲，所以會係《Me Before You》一系列既活動結束後，打算花多啲時間陪伴岩岩出生既仔仔，做一個廿四孝既爸爸咁話。

聽到呢到，完全對Sam Claflin加分再加分。憑住呢副高富帥既Image，定必會引黎唔少狂風浪蝶。但佢就選擇係搏殺期，同「一見鍾情」既女朋友拉埋天窗，真係好浪漫好真君子阿！

Sam咁靚仔，難怪連我地大台視后胡定欣都話最近最迷就係佢啦！小編都已經比佢迷得一陣陣！

黎緊忙於照顧小朋友既Sam Claflin，可能曝光率都會減少一啲。不過相信憑住呢套《Me Before You》咁Hit，愛情片既片約一定不斷，等我地再期待下Sam 黎緊會帶咩作品比我地睇:)！