今日要同大家分享既，就係小編WANNA BE既女神 APINK成員 孫娜恩。
娜恩除左有168既MODEL身高，比例上真係無得彈，加上一張清純甜美既面孔，小編諗緊點解佢仲未紅起上黎？ 唔通係因為太『黑』？
不論係公眾場合，機場FASHION，定係練舞時著既運動服，一式都係黑色！所以話佢係BLACK GIRL都唔過份啦:)
等我地一齊總合下佢既BLACK GIRL FASHION！
-
-
呢一身黑色背心裙，早前係韓國都被熱烈討論過，亦令娜恩擠身成為韓妹WANNA BE既明星名單之中。
其實貼身又超短既連身裙真係好蝦人著！除左你要咁返咁上下身材，有胸有腰有PATPAT之外，你露出既四肢又唔可以太STRONG。而娜恩瘦得黎唔係乾瘦，該肥該瘦既部份都恰到好處，當然係十分吸精攝人！
小編覺得呢款裙既Design同 cutting真係好靚>__<，雖然係黑色，但又不失清涼同清純感！
-
-
呢個鄰家女孩既打扮就要追朔返早期既娜恩，APINK因為一首「NONONO」令全球少女都追上水手服衣著，周圍都見到唔少水手服T-shirt同水手服背心裙。而呢款黑色款 有少女感又容易CARRY，令鄰家女孩既樸素感更突出。
-
-
-
望望身邊啲隊友，兩個都係白色短袖，對比之下，娜恩你呢一身真係好熱好熱>_<！雖然佢個樣好似有啲未訓醒，但佢依然係KEEP住ALL BLACK地現身，又冇拎錯第二啲色既衫黎著喎！
一身ALL BLACK 高腰褲加短靴，令整體線條更修長，不過感覺上就比較沉悶。
-
-
-
黎到夏天就梗係要著下啲小背心！生得白既人著黑色真係好SHARP，不過若然露出既部份較多，就會比較顯肥。
呢個配搭好聰明！利用小V領轉移視線，令岩岩訓醒未散腫既包包臉冇咁突出。而且，幼頸鍊顏色溫和唔搶鏡，就唔會咁累聚，整體都變得大方得體。
-
-
-
除左平日既機場OR 舞台FASHION，連平日係練舞室著既運動衫，都唔少得BLACK！
唔講唔知，因為娜恩著過ADIDAS 既運動褲練舞，呢一身美好身段，就令到呢款運動褲賣斷市，到依家都仲係斷緊貨，大家就知名人效應既威力啦！
ADIDAS 嗰三條間係LOGO就係人都知，但呢三條間擺係褲邊，令黑色既部份更少，轉移視線，係會有拉長線條，顯得腿更幼既效果。有呢條咁神既運動褲，加上身材本身就正，邊個角度拍娜恩都一樣係咁瘦，難怪咁多韓妹都搶購呢條褲啦！
((小編表示都買唔到！-__-))
-
-
除左唱歌既工作之外，娜恩同時都係新晉演員。而呢一場新劇發佈會，佢就著上黑色長袖短裙。
呢個上樓梯既動作，係一眾記者龍友必影既位。一黎角度唔靚，唔係失光，就一定會好狼狽，所以係藝人出場既死角位。不過娜恩既大長腿又瘦又白，而且裙短得黎唔鬆，又岩岩好遮晒PATPAT，所以呢下大大方方走上台既一幕，又成為一張吸LIKE既新聞圖。
再講下呢個衣著，中間既V字位係通窿而唔係一塊裸色既布。生得唔夠白，就會好核突嫁喇！唔少女星可能會利用個V字位PUSH 一PUSH，但條事業線分分鐘令成個造型變得CHEAP左，而娜恩呢個裝扮就岩岩好，呢個窿亦無損佢女神既IMAGE。
-
-
雖然黑色感覺比人好DARK好沉悶，但只要MATCH得好，都一樣可以好清純好女神。
最後送上娜恩既背影照比大家，又係一張上韓國熱搜既新聞照片。
嘩！個比例真係靚到不得了！
((小編表示十分羨慕！明明係同齡人，點解可以咁正嫁？？))
沒有留言:
張貼留言