青色？黑色？咖啡色？黑眼圈顏色不同，形成原因及改善方法都大不同！

依家都市人生活節奏急速，日捱夜捱，唔好話訓得充足，連訓教好都未必得。所以不論男女老幼，黑眼圈都已經變得十分普遍。

但其實唔同顏色既黑眼圈都係有唔同既成因，如果誤將所有黑眼圈都列為一類，咁就好難對症下藥好好改善，黑眼圈仲可能會變得越黎越嚴重添嫁！

而最常見既一種黑眼圈，就係青色黑眼圈！基本上後生一族，大多都會有呢一個問題。

Dr. BK Laser 醫學專家解釋 青色黑眼圈既元兇係因為血液循環不佳。而第一原因就係懼冷症，對於經常飲凍飲或喜歡冰品甜品既人就要多多留意。第二個原因就係疲勞、睡眠及運動不足。

有青色黑眼圈既人，都會有唔少生活壞習慣。Dr. BK Laser 專家指 一日內飲幾杯凍飲往往都係導致身體變寒、血液循環不暢既原因，唔止係形成青色黑眼圈，經痛都會變得嚴重。

第二，唔少人有誤解以為揉下眼按下眼都算促進血液循環，但其實咁樣反而會對肌膚造成傷害，甚至產生細紋。

而第三點，就係針對成日食沙津唔食正餐既減肥一族。食呢類生冷既沙津，會導致身體受寒。平日持續不斷咁樣食，青色黑眼圈就會變得明顯。

除左青色黑眼圈，一啲較深色偏黑既黑眼圈就列為黑色黑眼圈。Dr. BK Laser 專家解釋 隨著年齡增長，眼周肌膚變得鬆弛，同臉頰肌膚產生明顯差異，就好容易出現黑色黑眼圈。其次，水分同鹽分攝取過多造成眼皮浮腫，都會令黑眼圈偏腫偏黑。

常見既生活壞習慣，一般都係因為水分、鹽分攝取過多。所以Dr. BK Laser醫學專家都建議大家 在訓教前兩小時內要禁止吃含鹽量高的零食或夜宵。

第二，平時晚睡，週末補眠。呢一種既生活方式係香港係十分普遍，一般打工仔學生哥都係星期一至五chur到盡，然後星期六日放假先抖返夠本。但Dr. BK Laser 醫學專家就話 如果平時睡眠不足，週末補眠只能消除機體表面上既疲勞，對阻止肌膚老化係完全無任何作用。

除左青色同黑色之外，最後一種就係咖啡色黑眼圈。一般都係因為紫外線導致黑色素生成並殘留在表皮，抑或因為平日過度揉眼睛會傷害肌膚，都會令肌膚出現黯沉感。

而常見生活既壞習慣，就例如粗魯地卸妝。唔少OL靚女收工之後為左急急腳落妝都難免會用力摩擦肌膚，但其實咁樣先係導致色素沉著既危險因素。

第二，無搽防曬霜就直接上妝。無做任何防護就直接比彩妝品接觸肌膚，色素沉澱既機會當然會大大增倍。不過依家美妝產品越黎越利害，好多底霜，BB Cushion都已經有好高效度既防曬，比起昔日直接拍粉餅安全得多。

資訊由Dr. BK Laser提供。