黑髮先係仙氣？睇完呢幾個黑髮女神，都想染返「純情黑」。

講到韓國大熱髮色，一定係近幾年都好興既「霧感啡」「櫻花漸變」同「銀白」。但礙於學校或工作要求，好多學生哥、潮男潮女都被逼要染返「純情黑」，大慎自己陰公豬。

但其實錯有錯著，呢隻「純情黑」至係增強你仙氣既秘技！唔少女神級明星，都係靠一頭純黑色秀髮，增強女神氣質。

要撐得起黑色髮色，首先最著數既，一定係擁有白雪雪皮膚既人。一頭「純情黑」，會令你更顯白，白晰既膚色好似發光咁有仙氣。

APINK – 娜恩 & 初瓏

除左「純情黑」之外，配搭既唇膏唇色都非常重要。想甜美啲，可以用比較亮澤既粉紅唇彩。想Cool啲既，可以用大紅色或者比較淡色既裸色唇膏。睇睇Red Velvet 既 Irene兩個風格既示範！

其實黑髮仲會有種神秘感同冷艷感。泫雅就係一個好好既例子。一頭黑髮將佢骨子裏既性感，發揮得淋漓盡致。就算唔係著得好小布，呢頭黑髮加佢性感既美唇，成個人都SEXY滿分，十分攝人。

唔想走性感路線？就要睇下少時既泰妍喇。

一頭純黑既曲髮，令典雅同溫婉既女神氣質更加突出。加上佢側分既長斜陰，感覺更加優雅自然。

黑髮女神既代表，真係有好多好多。但會染到咁黑既呢，係我地日常生活又唔係好常見。

最常見到「純情黑」，一定就係學校。因為好多學生哥都會趁暑假大染特染，然後到8月底，又會乖乖地染返黑色。  ((唔知大家後生嗰陣又有無試過呢？))

小編溫馨提示：黑色髮色唔太適合啲膚色較黑及偏黃既人，因為顯白程度無咁明顯，仲可能會令你面色更暗沉

記住，搵岩自己適合既髮色都好重要嫁！