影親相都好唔自然？教你4個韓國女團成員影相POSE，不經意表情 + 小清新 = 女神。

依家基本個個後生仔女都玩IG，而IG亦成為吸Friend吸支持者既世界，人人都為影一張可以吸到好多Like既靚相各出其法。有人會影風景相，物件相，但查實影一張有人樣既相先係最複雜！

-

自拍就係人都識，但唔想咁造作又想形造女神感，就會選擇『他拍』。之不過成日都唔知擺咩POSE用咩表情好，尷尷尬尬咁，真係好苦惱~_~ 

-

就等小編今日為大家總結一下韓國女團成員既IG，睇下佢地最常用最吸LIKE既又係咩POSE啦！

-

-

1：無表情地望住鏡頭

無表情係好易比人覺得你『西面』or 『怒啤』，亦都係最難掌握既一種。

而一張無表情相既要點就係 朦朧FEEL、空靈感同柔弱感，一般都係用一個溫柔、放鬆or 放空既表情凝望鏡頭就最清純不過喇。

P.S.唔少走型格路線既人都會用一個輕輕抬頭既無表情去形造時尚感。

-

-

2：不經意既小側面

唔好忽略你地既側面，無論係肉肉既側面；定係輪廓分明既V面；呢一個小側面就係打造你攝人魅力既要點！所以唔少女仔都喜歡將頭髮橋起耳仔後面，又或者帶個髮圈，就係想突出佢地既小側面同性感既下顎線。 配個不經意，好似無鏡頭係到咁既表情，張相就自然更加好睇。

-

-

3：扮無鏡頭既存在

呢個同樓上第2點好類近，都係要扮鏡頭唔存在，但今次唔係要突出攝人既側面同下顎線既Close up 相，反而一啲不經意既小表情小動作，嗰種自然感就最吸引人。

-

-

4：自然而然既笑容

一個簡單、自然既笑容，永遠都係最感染人，特別係感染『男人』。好多男仔都話，女仔笑起上黎，特別好睇，而呢一種笑唔係刻意、或者聽到啲好搞笑既野所以打大個口地咁狂笑，而係一個溫柔自然既甜笑。

-

睇完上面啲EXAMPLES，唔知大家又學唔學到野呢？  快啲拎起你部手機，影張又自然又清新既女神相啦！